Lehiaketa bat egingo dute Igeldoko jaietako programaren irudia aukeratzeko
Igeldoko San Pedro jaietarako denbora asko falta den arren, Igeldon hasi dira prestaketekin. Ekaina amaierako jaietako egitarauaren irudia aukeratzeko lehiaketa bat antolatu du Ttonttorro jai batzordeak, eta herritar orok bidali dezake bere proposamena. Argazki lehiaketan parte hartzeko azken eguna maiatzaren 12a izango da, eta saria egitarauaren azalean irudia argitaratzea eta 100 euro izango da. Irudiak Igeldorekin zerikusia duen argazki, marrazki, muntai eta collageak izan daitezke, eta 14,85 x 21 zentimetro izan beharko dute.
Parte hartzaileek lau modu izango dituzte irudiak aurkezteko, betiere gutun-azal baten barruan eta izen abizenak adieraziz:
- Igeldoko kultur etxeko buzoian sartuz (gutun-azal baten barruan eta izen abizenak adieraziz).
- Bulegoan entregatuz (gutun-azal baten barruan eta izen abizenak adieraziz).
- Postaz: Itsas aurre kultur etxea, Igeldoko plaza 4, 20008 Igeldo.
- Posta elektroniko bidez: ttonttorro@gmail.com helbidera.
