Txanpontxo jaiak direla eta aldaketak izango dira autobus geltoki eta ibilbideetan
Txanpontxo Guardaplatako bidetik jaisten. (Argazkia: Irutxuloko Hitza) 
Bidebietako Txanpontxo jaiak ospatuko dituzte maiatzaren 9tik 13ra, eta hori dela eta, 14-Bidebieta linean ibilbideen eta geltokien aldaketa puntualak egingo dira, maiatzaren 9an, 10ean eta 11n.
Hala, Bidebietako Anbulatorioa, Julio Urkixo 38 eta Serapio Mujika 29 geltokiak zerbitzurik gabe geratuko dira momentu jakinetan, eta Juan XXIII.era lekualdatuko dituzte geltokiak.
Aldaketen ordutegiak honakoak dira:
- Osteguna, maiatzak 9: 17:15etik 21:30era gutxi gorabehera.
- Ostirala, maiatzak 10: 17:00etatik 18:30era gutxi gorabehera.
- Larunbata, maiatzak 11: 12:00etatik 13:00etara eta 17:15etik 20:30era gutxi gorabehera.
Ostiralean eta larunbatean zerbitzu Gautxoriak ez dira sartuko Bidebietara, Juan XXIII.an egingo dute geldialdia, gauean auzoan antolatu dituzten jarduerak direla eta.
