Lau ikastetxetako 200 ikaslek kontzertu bat eskainiko dute Lauaizeta ikastolan
Intxaurrondoko Lauaizeta ikastolan kontzertu berezia izango dute ostiralean. Izan ere, lau ikastetxetako 3. mailako 200 ikaslek musika emanaldia eskainiko dute 17:00etatik aurrera, hizkuntzari eta musikari loturiko helburu pedagogikoekin.
Kontzertuan, euskal kantak eta bestelakoak abestuko dituzte Lauaizetako ikasleek, Doneztebe, Leitza eta Lekarozeko ikastetxeetako gazteekin batera. Lau hezkuntza zentroen elkarlanean oinarrituriko egitasmoa 20. urtez errepikatuko da aurten, eta sarrera librea izango du.
