"Donostia ezagutzeko modu bat da bertako kazetaritza ezagutzea"
Kazetaria eta kultur kudeatzailea da Leire Palacios, eta beste Donostiako herritar eta eragile hainbatek bezala bat egin du Maita dezagun ondo kanpainarekin. Bilbon jaio zen arren, duela bost urte Donostian bizi da, eta azaldu duenez, IRUTXULOKO HITZAren bitartez izaten du bere inguruan gertatzen denaren berri. Tokiko hedabideak laguntzen dio ezagutzen “jendeak nola bizi duen Donostia”. Honela azaldu du: “Donostia ezagutzeko modu bat da bertako kazetaritza ezagutzea eta bertako kazetaritza laguntzea”.
Maita gaitzaizue ondo, egin HITZAkide!
Ondo maitatzeko modurik zintzoena HITZAkide egitea da, gure aterpean ostatu hartzea. Guk, ordainetan, tokiko informazioa profesionaltasunez eta euskaratik kontatzeko konpromisoari heldu eta gure herrietako edukia hainbat euskarritan emango dizuegu: paperean, izan egunkarian edota aldizkarian; eta Internet bidez, webgunean eta sare sozialetan argitaratuta. Tokiko informazioa modu gertukoan jaso nahi baduzu, egin urratsa eta egin zaitez HITZAkide.
Horretarako hiru bide daude eta horietatik bi, norbanako erabiltzaileei zuzenduta daude. HITZAkide figurak Interneteko kontsumitzaileak hartzen ditu kontuan.
- HITZAkidea: 50 euro ordainduta prentsa eskaintza PDFan jasoko duzu, albiste bereziak lehenago irakurtzeko aukera izango duzu, azala zure neurrira jarri ahal izango duzu, albisteak artxibatu ahal izango dituzu, HITZAkide txartela izango duzu (zozketetan parte hartzeko, hainbat saltokitan eskaintza bereziak izateko eta gure dendan deskontuak lortzeko) eta, nola ez, proiektua indartzen lagunduko duzu. Izan HITZAkide!
Baina Internetez ez ezik, papereko edukia kontsumitzen duenentzako ere badago eskaintza.
- HITZAkide harpideduna: 77 euro ordainduta, HITZAkideen abantaila guztiez gain, prentsa eskaintza osoa etxean eta PDF formatuan jasoko duzu. Ostiralero jasoko duzu Irutxuloko Hitza astekaria, Gipuzkoako Hitzarekin batera. Bi aukera horiez gain, herriko merkatari eta komertzianteei begirako eskaintza ere badu HITZAkidek. Izan HITZAkide harpideduna!
- Hitzakide iragarlea: 77 euro ordainduta, HITZAkide harpidedunen abantailez gain, publizitaterako tratu bereziak izango dituzu. Izan HITZAkide iragarlea!
