Udaberriko Jaialdia egingo dute igandean Uliako Lore Baratzetan

2019/05/21

Tenperaturen igoera aprobetxatuz, Uliako Lore Baratzerako lagunek Udaberriko Jaialdia antolatu dute iganderako, eta urteroko moduan, mintegietan egingo diren ekitaldietan parte hartzera gonbidatu dituzte auzokide eta hiritar guztiak.

Eguneko egitaraua goizetik arratsaldera bitarte luzatuko dute, era askotariko proposamenekin: yoga, musika emanaldiak, ehungintza tailerrak, jolasak, pailazoak… Jaialdiaren helburua auzotarrak egun atsegin bat pasatzeko elkartu eta parkearen inguruko komunitatea indartzen jarraitzea da.

Jarraian, Udaberriko Jaialdiko egitaraua:

11:00. Yoga energetikoa Naroa Corcobadoren eskutik.
11:00. Txirimoia pailazoa.
11:30. Aurpegien margoketa.
12:00. The Cotton Tails taldearen kontzertua.
12:00. TIE DYE tailerra: kamiseten tindaketa (bakoitzak bere kamiseta eraman behar du).
12:00. Ehungintza tailerra.
14:00. Piknika zelaian.
14:00. Tinkabella taldearen kontzertua.
15:00. Betiko jolasak.
15:30. Bossa Collective taldearen kontzertua.
16:30. Jolasa: makilekin eraiki.
17:30. China Chain taldearen kontzertua.
18:00 Afrikar dantza tailerra.