Zipotz jaietako emakumeen pilota txapelketa prestatzeko entrenamendu irekia egingo dute Grosen
Udara iristear dagoela, hiriko auzoetako jai batzordeak lanean hasi dira astez aste iritsiko diren festen egitarauak prestatzeko. Grosen egitaraua finduta daukate jada, eta jaiak berritasun batekin iritsiko direla jakinarazi dute auzotarrek: aurten, lehen aldiz, emakumeen pilota txapelketa egingo dute Sagueseko frontoian.
Egitasmo berrian parte hartzeko gogoa duen pertsona orok aurretik txapelketa prestatzeko aukera izango du. Izan ere, jai batzordeko kideek entrenamendu irekia egingo dute frontoian ekainaren 19an, 19:00etan. Txapelketaren data, berriz, zehaztu gabe dago oraindik.
