Orfeoi txikiak kontzertua eskainiko du Eureka! Zientzia Museoan
Udako solstizioa eta Europako Musika Eguna ospatzeko kontzertu eta ikastaro bat antolatu ditu Eureka! Zientzia Museoak. Donostiako Orfeioarekin elkarlanean egingo dituzte, igandean, hilaren 16an.
Orfeoi Txikiak ikus-entzunezko kontzertua eskainiko du 17:00etan eta 18:00etan planetarioan. 30 minutukoak izango dira saioak. 2 euro balio ditu sarrerak. Familiei zuzenduriko Doinuak korapilatzen ikastaroa, berriz, 12:30ean izango da. Sarrera doakoa da eta 4-6 urte arteko haurrentzat. Heldu batekin sartu beharko dira haurrak.
