Errugbia
Bera Berak Espainiako Seven txapelketa irabazi du Valentzian
(Argazkia: Bera Bera) 
Bi asteburutan Valladoliden eta Valentzian jokaturiko Espainiako Seven txapelketa irabazi du Bera Berak. Ekaineko bigarren asteburuan lorturiko 15 puntuek eta honakoan eskuratutako 12ek eman diote garaipena donostiarrei, Madrilgo selekzioaren eta El Salvadorren aurretik.
Valladoliden garaile izan ostean, Valentziako bigarren txandan finalerako sailkatzea lortu zuen Bera Berak El Salvadorren aurkako finalerdian, titulua Donostiara ekarriko zutela bermatuz. Finalean, berriz, Madrilgo selekzioa gailendu zen, 12-24ko emaitzarekin.
Gauzak horrela, donostiarrek San Petesburgora (Errusia) bidaiatuko dute datorren denboraldian Europako Seven txapelketan parte hartzeko.
