Loiola Bizirik eguna egingo dute larunbatean
Loiolako Jaiak. (Argazkia: Estitxu Zabala) 
Jaietarako motorrak berotzen joateko Loiola Bizirik eguna antolatu dute larunbaterako. Auzoko eragile hainbaten artean egun osoko egitaraua prestatu dute, eta bildutako dirua auzoko jaiak laguntzera bideratuko dute. Loiolako San Inazio jaiak uztaila bukaeran hasiko dira.
Hilaren 22an Topoaren geltoki ondoko plazan egingo dituzte jarduera guztiak:
- 12:00. Kalejira auzoan zehar.
- 14:00. Bazkaria etxetik ekarritakoarekin (edaria antolakuntzaren esku).
- 15:00. Bingoa eta bazkalosteko giroa.
- 18:00. Familia jolasak (Taldeak aurretik osatuko dira).
- 20:00. Dantzaldia Mikeltxi DJarekin.
Eguraldi txarra egiten badu ekitaldi guztiak La Salle ikastetxeko frontoira mugituko dira.
