Udako zinema egingo dute aurten ere Egiako parkean
Iazko Udako zinemaren emanaldi bat. (Argazkia: Cristina Enea Fundazioa) 
Miquel Aparici artistak Egiako parkean duen Zooteka erakusketatik abiatuta, Udako zinema egingo dute parkean bertan. Young Frankenstein (Mel Brooks, 1974) eta The Wizard of Oz (Victor Fleming, 1939) izango dira proiektatuko dituzten filmak, biak gaztelaniazko bertsioan: El jovencito Frankenstein eta El mago de Oz. Ostiralean, ekainaren 28an, emango dute Brooksen filma eta datorren ostiralean, uztailaren 5ean, Flemingena; biak 22:30ean. Bi proiekzioetako bat ala biak eguraldi txarra dela eta atzeratuko balira, uztailaren 12an eta 19an emango lituzkete.
Apariciren obra materialen birziklapenean zentratzen da, eta material horrekin egindako hainbat animalia biltzen ditu Zooteka erakusketak.
