Pilota

Antiguako 71. Pilota Txapelketa hainbat berritasunekin dator

2019/06/27

Antiguako Pilotazaleok elkartearen udarako txapelketa datorren asteartean hasiko da, eta bere antolatzaileek aurten 71. aldiz egingo den lehiaketaren aurkezpena egin zuten atzo Antiguako merkatu zaharrean. Besteak beste, Jesus Mari Rubio elkarteko presidenteak eta Nekane Arzallus zinegotziak hartu zuten parte pilotariekin batera eginiko aurkezpen ekitaldian.

Txapelketa uztailaren 2tik abuztuaren 31ra bitarte luzatuko da, eta hemeretzi jaialdiz egongo da osatua. Antolakuntzari dagokionez, bi berritasun nagusi izango ditu: batetik, astero bina partida jokatuko dira, astearte eta asteazkenetan, eta bestetik, finalak larunbat batean jokatuko dira, eta ez igandean, orain arte bezala.

Jarraian, jaialdien datak:

Uztailean: 2, 3, 9, 10, 16, 17, 23, 24 eta 30
Abuztuan: 1, 6, 7, 13, 14, 20, 21, 27, 28 eta 31 (finalen eguna)

Azken urteetan bezala, 32 pilotarik hartuko dute parte gizonezkoen txapelketan, eta soilik zortzi arituko dira emakumezkoetan. Kirolari guztiek gonbidapen bidez hartuko dute parte lehiaketan. Jarraian, txapelketa bakoitzeko neurketak eta bikoteak:

Emakumezkoen lau t’erdiko txapelketa (neurketak)

Arrate – Bergara
Larrarte – Ruiz de Larramendi
Arrillaga – Mendizabal
Romero – Agirre

Gizonezkoen senior maila (bikoteak)

I. TALDEA

Espinal – Apezetxea
Zubizarreta – Sanchez
Exposito – Elizegi (Aitor)
Zubiria – Elizegi (Iker)

II. TALDEA

Astiz – Uriondo
Egiguren – Mariezkurrena I
Lerena – Sarasa
Salaberria – Aizpuru

Gizonezkoen promesen maila (bikoteak)

I. TALDEA

Murua – Oliden
Alberdi (Julen) – Ibarloza
Larrazabal – Etxeberria
Gutierrez – Santamaria

II. TALDEA

Agirremalloa – Uranga
Zabala – Gazkue
De la Fuente – Ganboa
Alberdi (Unai) – Azpitarte

Aurtengo txapelketak beste berritasun berezi bat izango duela iragarri zuen Rubiok. Izan ere, txapelketako jaialdi guztiak zuzenean emitituko dute Youtuberen streaming zerbitzuaren bitartez.