Saguesen Garagardo Azoka irekiko du gaur Bera Berak
Azken sei urteetan bezala, Bera Bera errugbi taldeak Saguesen egingo du bere XVII. garagardo azoka, eta gaurtik aurrera zabalik egongo da, uztailaren 7ra bitarte. Klubeko taldekideen laguntzarekin antolatutako egitasmoak denboraldirako gastuen zati bat finantzatzea du helburu.
Garagardo zerrenda zabalaz gain, janariaz eta zuzeneko musikaz gozatzeko aukera izango dute herritarrek Tomas Alba plazan kokaturiko karpan. Azoka 18:00etatik 00:00etara egongo da zabalik, eta ordutegi bera izango du egunero. Jarraian, karpan eskainiko diren kontzertuen zerrenda:
Ostirala, ekainak 28
- 20:15. El callejon del gato
- 22:30. Grezian
Larunbata, ekainak 29
- 20:15. Grezian
- 22:30. El callejon del gato
Ostirala, uztailak 5
- 20:00. Versos perdidos
- 22:30. The WC Grooves
