Aste Nagusian jokatuko dira IV. Kirol Txartela Palako Masterraren finalak
(Argazkia: Donostia Kirola) 
Asteazkenean hasiko da IV. Kirola Txartela Palako Master txapelketa. Zortzi jardunaldi izango ditu eta Atano III.a pilotalekuan izango dira partida guztiak, 18:30etik aurrera. Finalak, berriz, Aste Nagusiko ostiralean, abuztuaren 16an, izango dira. Innpala enpresa, Donostia Kirola eta Realaren pala atala arduratu dira antolaketaz.
Emakumezkoen masterra lehen mailako 8 pilotarik jokatuko dute, larruzko modalitatean. Gizonezkoen masterrak, aldiz, bikote mistoak izango ditu. Hau da, pilotari profesionalek eta Donostia zein Donostia inguruko pilotari zaleek osatuko dituzte. Berrikuntzei dagokienez, lehen aldiz Gazteen Txapelketa egingo dute kadete eta gazte mailetako pilotariekin. Master-eko jardunaldi guztien hasieran ariko dira.
Sarrerak bost eurotan daude sailgai, eta Kirol Txartelaren bezeroek %50eko deskontua izango dute.
