Galdutako hiri-ondarea berriro erakusgai
San Martingo azoka zaharra. Ancora elkarteak Donostian galdutako hiri-ondareari buruzko Galdu genuen hiria erakusketa antolatu du Okendo Kultur Etxean. Iaz Parte Zaharreko Santa Teresa komentuan ikusgai egon zen erakusketa berriro bisitatu ahal izango da, uztailaren 3a eta abuztuaren 24a bitartean.
1950etik 2019ra arte Donostian suntsitutako eraikinei buruzko dokumentazio grafikoak osatzen du erakusketa. Azken hamarkadetan galdutako hiri-ondarea bistara ekarri eta egungo egoerari erreparatzen dio proiektuak. Gaiak ikusmina sortu zuen iaz eta hilabetez luzatu zuten erakusketa. Bisita gidatu baten kronika egin zuen IRUTXULOKO HITZAk eta Eneko E. Oronoz komisarioa ere elkarrizketatu zuen.
Astelehenetik ostiralera (10:00-14:00 / 16:00-20:30) eta larunbatetan (10:00 – 14:00 / 16:30 – 20:00) egongo da zabalik erakusketa eta bisita gidatuak ere egingo dira, euskaraz eta gaztelaniaz.
Bisita gidatuen egutegia:
Uztailak 5, 17 eta 24. 19:00etan, euskaraz.
Uztailak 6, 12, 19 eta 26. 19:00etan, gaztelaniaz.
Uztailak 26. 12:00etan, euskaraz.
Abuztuak 1. 12:00etan, euskaraz.
Abuztuak 1, 7 eta 21. 19:00etan, gaztelaniaz.
Abuztuak 2, 9 eta 22. 19:00etan, euskaraz.
Abuztuak 16. 12:00etan, gaztelaniaz.
