Uztailaren 27tik 31ra izango dira Loiolako jaiak
Loiolako jai batzordeak sare sozialetan zabaldutako mezu batean adierazi duenez, aurten ere ospatuko dira Loiolako jaiak. Iaztik zailtasunak izan ditu batzordeak eta jaiak antolatuko ziren edo ez zalantza egon da azken hilabeteetan. Martxoan batzar ireki bat antolatu zuten herritarrei egoeraren berri emateko.
Antolaketa-lanetan berandu hasi badira ere festak uztailaren 27tik 31ra izango direla ziurtatu dute mezuan, jaiek aurrera egiteko lan egin duten guztiei eskerrak emanez. Datorren astean zabalduko dute egitaraua.
Erlazionatutako edukiaLoiola Bizirik eguna egingo dute larunbatean
