Saskibaloia
Mikel Motos Gipuzkoa Basketera bueltatu da
(Argazkia: Gipuzkoa Basket) 
Mikel Motos donostiarra Gipuzkoa Basketera bueltatuko da datorren denboraldirako, Marcelo Nicola entrenatzaile berriaren agindupean. 1993an jaiotako jokalariak duela bi urte utzi zuen talde donostiarra, eta geroztik LEB ligako Peñas Huescan eta Iberojet Palman jokatu du.
Gaztetik Eason eta Iraurgin ibili ostean, Motosek 2011-12 denboraldian egin zuen debuta Gipuzkoa Basketekin, eta klub donostiarraren elastikoa hiru urtez jantzi zuen. Datorren denboraldian, bigarren kapitulua gehituko dio etxeko taldean eginiko ibilbide horri.
Entrenatzaile berriaren proiektuko bosgarren fitxaketa izango da, taldea Mikel Uriz, Xabi Oroz, John Dee eta Davis Rozitisekin indartu baita azken egunetan.
