Maria Kristina hotelaren inguruan mozketak egingo dituzte gaur, Woody Allenen pelikularen filmatzea dela eta
Woody Allen zinemagilea eta Vittorio Storaro argazki zuzendaria Bulebarrean, grabaketaren lehen egunean. (Argazkia: Peru Iparragirre) 
Donostiako Udalak jakinarazi duenez, Maria Kristina hotelaren inguruan filmatuko du gaur Woody Allenek. Horren ondorioz, ibilgailuentzako guztizko mozketak egingo dituzte eta, filmatzearen une jakinetan, aldizkako mozketak egingo dituzte oinezkoentzat. 6:00etatik 19:00etara Okendo kalean eta Andia kalean ibilgailuentzako guztizko mozketak egingo dituzte. Oinezkoentzat, aldiz, ordu tarte berean Okendo kalean, Andia kalean, Ramon Labayen Alkatearen plazan eta Okendo plazan aldizkako mozketak egingo dituzte.
