Bi emakumeren aurkako erasoa izan da gaur goizaldean
Donostiako Udalak erasoa salatzeko kontzentrazioa egin du Alderdi Ederren. (Argazkia: Iñaki Agirre) 
Eneko Goia alkateak azaldu du goizeko seietan gertatu dela eraso sexista, kalean, Viktoria Eugenia antzokiaren inguruan. Gizon batek ukituak egin dizkio emakume bati. Emakumeak aurre egin dio, eta gizonak eraso egin dio. Orduan, inguruan zegoen beste gizon bat ere emakumeari ukituak egiten hasi zaio. Une horretan, beste emakume bat laguntzera joan da, eta berari ere eraso egin diote. Bi gizonak atxilotu egin ditu poliziak. Bi emakumeak Bengoetxea kaleko Sorospen Etxean artatu dituzte.
Erasoa salatzeko kontzentrazioa egin du udalak gaur eguerdian. Eneko Goia alkateak esan du adi egongo direla eraso sexista gehiago ez gertatzeko.
