Ligako zelai zailenetako batean ere, Imanol Alguacilen mutilek etxean bezain ondo jokatzeko gai direla erakutsi zuten igandean. Ez ziren gai izan, ordea, Sanchez Pizjuaneko hiru puntuak lortzeko, aurrez aurre izan zuten Sevillak ere harro egoteko moduko neurketa egin zuelako. Realak itxura bikaina eman zuen, teknika ona eta golak egiteko gaitasunarekin, eta orain sailkapenean behera egin arren, gorantz konplexurik gabe begiratzeko eskubide osoa dute donostiarrek.
Realeko neskek ere aparteko asteburua izan dute, Espanyolen aurka ligako jarraikako bigarren garaipena lortuta. Gauzak horrela, Gonzalo Arconadaren jokalariak indar beterik helduko dira hurrengo jardunaldian Athleticen kontra jokatuko duten derbira.
Saskibaloian, berriz, Ibaeta Basketek porrot batekin egin zuen bere ligako estreinaldia, Zaragozan, Quesos El Pastor taldearen aurka.
Izotz hockeyan, azkenik, Txuri Urdinek Bartzelonaren kontrako neurketa eta sailkapeneko burua galdu zituen larunbatean.
FUTBOLA
Emakumezkoen lehen maila, 4. jardunaldia
- Espanyol 0 – 1 Reala
Gizonezkoen lehen maila, 7. jardunaldia
-
Sevilla 3 – 2 Reala
SASKIBALOIA
Emakumezkoen lehen maila, 1. jardunaldia
- Ibaeta Basket 66 – 76 Quesos El Pastor
IZOTZ HOCKEYA
Espainiako Senior maila, 3. jardunaldia
- Bartzelona 6 – 5 Txuri Urdin
15 urtez, Donostia bere hartan erakutsi du IRUTXULOKO HITZAk. Argi dugu kalitatezko eta gertuko edukia eskaintzen jarraitzea dela gure ardura oraingo egoera zail honetan ere. Horregatik, etxetik bada ere, donostiarrontzat etengabe lanean jarraitzen dugu!
Baina bide honetan segitzeko, ezinbestekoa da zure konpromisoa, zuek ere HITZA hartzea.
