Igandean VI. Landare eta hazi truke azoka egingo dute Uliako Lore Baratzetan
Uliako Lore Baratzetako lagunek VI. Landare eta hazi truke azoka txikia egingo dute igandean parkean. Bizpahiru hilabetean behin errepikatzen duten egitasmoa da azokarena, eta trukaketak egiteaz gain, herritarrentzat elkar ezagutu eta jakintza partekatzeko aukera bikaina dela nabarmendu dute antolatzaileek.
11:30etik 12:00etara, herritarrek eramandako landare eta haziak parkeko negutegian jasoko dituzte, eta eguerditik aurrera, berriz, truke azokarekin hasiko dira.
