Harri Berri ikastetxeko lanak egiten ari den enpresa zigortu du udalak
Donostiako Udalak onartu du Altzako Harri Berri ikastetxeko lanak hilabetez luzatzea. Enpresa adjudikatzaileak azaroaren 6ra arteko epea izango du patioa estaltzeko proiektuaren obrak bukatzeko. Ikasturte hasiera ez da erraza izaten ari ikastetxearentzat, lanak bukatuta egotea aurreikusi zutelako.
Era berean, zigorra ezarri diote Indenort-Proviser Iberica enpresa elkartzeari kontratua ez betetzeagatik. Ondorioz, 4.718,25 euro ordaindu beharko dituzte lanak bukatzeko epe berria kontuan hartuta.
