Musikatua izango da urriko Donostiatruk azoka
Larunbatean, hilaren 19an, Donostiatruk bigarren eskuko azoka egingo dute Amarako Easo plazan, 10:00etatik 14:00etara. Berrikuntza gisa, Easo Musika Eskolako Arpas Easo taldeak emanaldia eskainiko dute zuzenean, 11:00etatik aurrera.
Ohikoa denez, erosketaren bat egiten dutenen artean zozketa bat egingo dute. Egiako Km0 jatetxe begano zein begetarianoan bi lagunentzako bazkaria edo afaria eskuratu ahal izango da.
Donostiako Udaleko Osasun eta Ingurumen Zuzendaritzak antolatzen du bigarren eskuko azoka. 40 postutik gora izaten ditu, eta eskaintza askotarikoa da: arropa, liburuak eta jostaileak, besteak beste.
Parte hartu nahi duenak helbide honetan topatuko du informazio guztia.
