Sailkapenaren burura heltzea bilatuko du Txuri Urdinek Uharten
(Argazkia: Txuri Urdin) 
Lau partidatik hiru irabazita, denboraldia ongi asko hasi dute Txuri Urdineko neskek. Sailkapenaren burua hiru puntura dute donostiarrek, eta larunbatean Uharten jokatuko duten partidan tarte hori murriztea eta momentuz liderra den Majadahondaren aurkako lehian murgiltzea bilatuko dute. Taldeko mutilek, berriz, Bartzelona jasoko dute, haiek ere sailkapeneko burua lortzeko asmoarekin.
Saskibaloian, joan den astean lorturiko lehen garaipenari jarraitutasun bat ematen saiatuko da Ibaeta Basket Tenerifen, Clarinosen aurka.
Futbolean, aldiz, Realeko neskak Atletico Madrilen kontra lehiatuko dira larunbatean. Madrildarrak azken ligako txapeldunak izan dira, baina Gonzalo Arconadaren taldeak kopako finalean erakutsi zuen modura, ez dira garaiezinak. Mutilek, berriz, Vigorako bidaia egingo dute Celtaren aurka neurtzeko.
IZOTZ HOCKEYA
Emakumezkoen senior maila, 4. jardunaldia
- Kosner CH Uharte – Txuri Urdin (Larunbata, 21:15)
Giznezkoen senior maila, 7. jardunaldia
- Txuri Urdin– Bartzelona (Larunbata, 21:45)
SASKIBALOIA
Emakumezkoen lehen maila, 6. jardunaldia
- Clarinos – Ibaeta Basket (Larunbata, 20:30)
FUTBOLA
Emakumezkoen lehen maila, 7. jardunaldia
- Reala – Atletico (Larunbata, 13:00)
Gizonezkoen lehen maila, 10. jardunaldia
- Celta – Reala (Igandea, 12:00)
