Errege Magoen karrozetan paje gisa ateratzeko zozketa egingo dute
Errege Magoak udaletxearen aurrean. (Argazkia: Donostia Festak) 
Iazko moduan, Errege Magoen desfileko karrozetan paje gisa parte hartuko duten haurrak hautatzeko zozketa egingo du Donostia Festakek aurten ere. Azaroaren 15eko 12:00etan egingo dute zozketa udaletxean, eta 7 eta 10 urte arteko haurrek hartu dezakete parte, azaroaren 1etik 12ra. Zozketan izena emateko, haurraren izena eta bi abizen, adina (hautatua izanez gero, familia liburuko orria aurkeztu beharko da), bizilekua eta haurraren arduradun egingo den helduaren telefono zenbakia. Donostia Festaken webgunearen bitartez hartu daiteke parte zozketan.
Hamasei haurrentzako lekua dago desfilean, errege bakoitzaren karrozan lau joango baitira, eta jaiotzaren karrozan beste lau. Hamasei paje horien artean, plaza bat gordeko dute karroza bakoitzean dibertsitate funtzionala duten haurrentzat. Plaza horiek beteko ez balira, dibertsitate funtzionala ez duten haurrei egokituko litzaizkieke. Zozketan hautatzen dituzten haurrek urtarrilaren 5eko desfilean parte hartu beharko dute, eta antolatzaileek esandakoa bete. Bestalde, urteroko legez, paje-laguntzaile gisa parte hartzeko argibideak bidali dituzte jada DBH eta Batxilergoa duten ikastetxeetara.
