H.R. Giger 'Alien'-en sortzailearen unibertsoa, San Jeronimo kaleko kriptan ikusgai
HR Giger 'Alien'-en sortzailearen obran oinarritutako lanak ikus daitezke San Jeronimo kaleko kriptan. (Argazkia: Beñat Parra) 
Urteroko legez, erakusketa interesgarri zein bitxi bat jarri du Beldurrezko Asteak Parte Zaharreko San Jeronimo kaleko kriptan. Alienen sortzailea, Hans Ruedi Higer (1940-2014) artista suitzarra, omendu dute aurten, eta nazioarteko hainbat artistak Gigerren obran oinarrituta egin dituzten marrazki, diseinu eta figura asko ikusi daitezke erakusketan. 40 urte bete ditu aurten Alienek, beraz, pertsonaia gogoratzeko modu ezin hobea da Creators of legends nazioarteko erakusketa ibiltaria. Hilaren 10a arte egongo da ikusgai, 17:00etatik 20:00etara astelehenetik ostiralera, eta 11:00-14:00 eta 17:00-20:00 ordutegiarekin asteburu eta jaiegunetan. IRUTXULOKO HITZAk erakusketa bisitatu du, eta irudi bilduma bat sortu du han egindako argazkiekin:
