Willis Drummond taldeak zuzenean aurkeztuko du lan berria Elkar dendan
Lapurdiko Willis Drummond hirukoak Zugzwang diskoa argitaratu du, eta kontzertu akustikoak ematen hasi dira. Gaur arratsaldean Parte Zaharreko Elkar dendan ariko dira zuzenean. 18:30ean hasiko da emanaldia.
Hiruko bihurtuta argitaratzen duten estudioko lehen lana da Zugzwang izenekoa; guztira, estudioko seigarren diskoa da. Dagoeneko osorik entzun daiteke Badok atarian, eta Lehentasuna abestiaren bideoklipa ikus dezakezue jarraian.
