Klik-klak
Adituak
(Argazkia: Batix Ezeiza) Kontxako Banderarekin, donostiarrok arraunean aditu bilakatzen gara: entrenamenduak, palada maiztasuna, itsasoaren egoera, eta abar. Zinemaldian, donostiarrok zineman aditu bilakatzen gara: plano-sekuentziak, erritmo narratiboak eta kamera-angeluak. Behobia-Donostiarekin, donostiarrok atleta profesional bilakatzen gara: arropa teknikoa, denborak eta kiroletarako elikadura. Urtean behineko aditu diziplina-anitzak gara.
