(Argazkia: Ibai Ikastolako gurasoen euskara batzordea) Euskararen Eguna ospatu dute asteburu honetan Ibaetan, eta askotariko jardueraz gozatzeko aukera izan dute auzotarrek. Ostiralean hasi ziren jarduerekin, Karlos Santamaria plazako frontoiko horma-irudia margotuz. Ondoren, euskal liburu, disko eta filmak elkar trukatzeko azoka egin zuten, eta haurren aurpegiak margotu ondoren, dantzaldiarekin bukatu zuten. Larunbatean, ordea, goizetik egon zen jai giroa auzoan, Ekain-Txou pailazoaren emanaldia, euskal tortilla txapelketa eta kantujira egin baitzituzten bazkaldu aurretik. Sabela ondo bete ondoren, buruhandi ikastaroa eta topaketa, txokolate jana eta bertso-poteoa egin zituzten, asteburuari giro paregabean agur esateko.
15 urtez, Donostia bere hartan erakutsi du IRUTXULOKO HITZAk. Argi dugu kalitatezko eta gertuko edukia eskaintzen jarraitzea dela gure ardura oraingo egoera zail honetan ere. Horregatik, etxetik bada ere, donostiarrontzat etengabe lanean jarraitzen dugu!
Baina bide honetan segitzeko, ezinbestekoa da zure konpromisoa, zuek ere HITZA hartzea.
