Puntu garrantzitsua lortu du Realak Bera Beran
(Argazkia: Reala) 
Azken hiru jardunaldietan puntu bat bera ere lortu gabe geratu ostean, Realak harro egoteko moduko partida bat egin zuen igandean Bera Beran, Juniorren aurka berdintzea lortuz. Aurkari zaila izan eta markagailuan atzetik jarri ziren arren, donostiarrek gogor eutsi zioten norgehiagokari, eta bi gol eginez, aurretik jartzea ere iritsi ziren. Partida amaitzeko hamar minuturen faltan, ordea, katalanek berdinketa lortu zuten, eta neurketa emaitza horrekin amaitu zen.
Futbolean, berriz, asteburua ez da ona izan Realaren bi taldeentzat. Izan ere, bai nesken eta bai gizonen taldeak galdu egin zuten Madrilera eginiko bidaietan.
Izotz hockeyan, aldiz, Txuri Urdinen taldeek jardunaldi paregabea egin dute. Neskek garaipen landu bat eskuratu zuten Granadan eta mutilek, berriz, eroso garaitu zuten Jaka Donostian jokatutako partidan.
Saskibaloian, azkenik, Ibaeta Basketek porrot berri bat jaso zuen etxean, Prometeren aurka, eta sailkapenean duen egoera are eta konplikatuagoa bilakatzen ari da.
HOCKEYA
Emakumezkoen Ohorezko maila, 5. jardunaldia
- Reala 2 – 2 Reala
FUTBOLA
Emakumezkoen lehen maila, 10. jardunaldia
- Tacon 3 – 1 Reala
Gizonezkoen lehen maila, 14. jardunaldia
- Real Madril 3 – 1 Reala
IZOTZ HOCKEYA
Emakumezkoen senior maila, 9. jardunaldia
- Granada Grizzlies 2 – 3 Txuri Urdin
Gizonezkoen senior maila, 10. jardunaldia
- Txuri Urdin 6 – 3 Jaka
SASKIBALOIA
Emakumezkoen lehen maila, 9. jardunaldia
- Ibaeta Basket 43 – 57 Promete
