'Bortxatzaile bat zure bidean' performancea egin dute Konstituzio plazan
200 bat emakume bildu dira Konstituzio plazan, 'Bortxatzaile bat zure bidean' performancea egiteko. (Argazkia: Beñat Parra) 
Chilenos en Gipuzkoa taldeak deituta, Bortxatzaile bat zure bidean performancea egin dute 200 bat emakumek Konstituzio plazan, Bortxatzailea zu zinen! lelopean. Txileko Las Tesis kolektiboak sortutako performancea da Bortxatzaile bat zure bidean, herrialde latinoamerikarreko gizarteak eta bereziki emakumeek bizi duten egoera salatzeko. Azaroaren 25ean egin zuten performancea birala izan zen, eta munduko beste hainbat herrialdetan egin dute, tartean, Donostian.
