Zambomba Flamenca taldeak Gabonetako flamenko kontzertua emango du asteburuan
Yoni Camacho, Sonakay taldeko abeslaria, Zambomba Flamenca taldearekin arituko da igandean. (Argazkia: Kulturklik) 
Zambomba Flamenca taldeak kontzertua eskainiko du igandean, hilaren 22an, Convent Garden tabernan, Gabonei ongietorria emateko. Flamenko kutsuko Gabonetako doinuak joko dituzte, eta ez da dantzarik faltako. Yoni Camacho, Olana Liss eta Jose de Pasai dira taldeko abeslariak, David Escudero, Rafael Jimenez eta Andres Manuel de Carmen gitarra-jotzaileak, Ruben Jimene eta David Bernardez perkusio-jotzaileak eta Soledad Ruiz eta Sonia Salmeron dantzariak. 20:00etan izango da emanaldia, eta 12 euroko prezioa izango du aldez aurretik erosita; leihatilan, aldiz, 15 euroko prezioa izango dute sarrerek.
