Donostiako Udalak 432 milioi euroko aurrekontua izango du 2020an

Udal gobernuak 20 erdibideko zuzenketa adostu ditu PPren eta EH Bilduren udal taldeekin.

2019/12/19

Urteko azken udalbatzarrean onartu du Donostiako Udalbatzak 2020ko aurrekontua. Hain zuzen ere, 432.540.636 euroko aurrekontua izango du datorren urterako. Iaz baino %7,5 txikiagoa da Anoeta futbol zelaiaren birmoldaketa lanengatik.

Jaime Dominguez-Macaya Ogasun zinegotziak azaldu duenez, “aurrekontu orekatua” izango du udalak. “Izan ere, diru-sarrerak banatuko ditu hiriak donostiarrek dituzten askotariko beharren artean”. Aurrekontuak “egonkortasun helburua” betetzen duela gaineratu du, “bere zorra %31,38 den neurrian, administrazio publikoei ezarritako mugatik oso urrun”.

Bestalde, inbertsio gehiago egingo ditu udalak datorren urtean. “Gastu arrunta %3 handituko da, hiritarrek jasotzen dituzten zerbitzuen kalitatea kontsolidatuz”, adierazi du Dominguez-Macayak.

Erdibideko zuzenketak

Udal gobernuak 20 erdibideko zuzenketa adostu ditu PPren eta EH Bilduren udal taldeekin; 13 eta 7, hurrenez hurren. Alderdi Popularrarekin adosturiko zuzenketak ondorengoak dira:

147.000 euro gutxitzea Kontingentzia Funtsatik
497.000 euro gutxitzea kapital gastuko lursailen eta beste ondasun eta eskubideen jabetza egiteko, desjabetzen indemnizazioak ordaintzeko eta behin behineko ostatu emateko aurrekontu-sailatik
14.000 euro Estella/Lizarra kalean hiri-altzairuak jartzeko
80.000 euro gehiago bideratzea Donostiako Etxegintzari Alokabideren funtzioa modernizatzeko baliabideak handitzeko
20.000 euro Plastiko biodegradarrien erabilera sustatzeko ekintzak egiteko
24.000 euro Soldaduen plazan lanak egiteko
9.500 euro txakurrak eta katuak ez baztertzeko eta adoptatzeko kanpaina egiteko
300.000 euro Amarako saneamendu-sarea konpontzeko
100.000 euro Amarako haur parkeak berritzeko
75.000 euro gehiago bideratzea energia-eraginkortasuna hobetzeko neurrien aurrekontu-sailara, Udalak ELENA europako funts programara sartzeko eman beharreko pausoak aztertzeko
20.000 euro gehiago hiriko hainbat puntu kritiko hobetzeko
1.000 euro gehiago bideratzea Donostiako Sustapen Sozietateara, Donostiara talentua erakartzeko behar diren gune erresidentzialen alternatibak aztertzeko (Talent House II)
1.000 euro gehiago bideratzea Donostiako Etxigintzara, FEDER funtsekin lotura duten ekimenen sorrera aztertzeko, belaunaldien arteko couhousing direlako ekintzak egiteko.

EH Bildurekin, berriz, honako 7 zuzenketak adostu ditu:

140.000 euro gutxitzea Kontingentzia Funtsatik
400.000 euro gutxitzea Loiolako Trabesiatik
40.000 euro indarkeria matxistaren biktimentzako etxebizitzetarako
100.000 euro Kalean bizi direnentzat programarako
330.000 euro Matigoxotegi futbol zelaian hobekuntzak egiteko
70.000 euro Oleta eta Pikabean puntu kritikoak kentzeko eta irisgarritasuna hobetzeko
400.000 euro gehiago 2021erako Loiolako Trabesiarako

Proiektu garrantzitsuak

Aurrekontuaren baitan 90 aurrekontu-sail daude inbertsioak egiteko. Ondorengoak dira, besteak beste:

Matigoxotegi futbol zelaia (330.000 €)
Amarako saneamendu-sarea (300.000 €)
Altzako kiroldegia (2.500.000 €)
Altzako Kiroldegiko kanpoko igerilekuak (1.200.000€)
Altzako Kiroldegi inguruko hirigintza lanak (900.000€)
Merkeareko futbol zelaia (1.250.000€)
Zubietako Hockey zelaia (1.206.641€)
17 linean BEI proiektua (1.500.000€)
Loiolako ibilbidea (3.350.000 €)
Iztuetako biaduktua (3.000.000€)
Espartxo zubia (105.000€)
Astiñene zubia (1.130.000€)
Zolaketa eta Asfaltatzea (1.125.000€)
Ikastetxetan hobekuntzak (330.000 €)
Zahar-etxetan hobekuntzak (1.248.412€)
Irisgarritasunean hobekuntzak (200.000€)
Haizearen Orraziaren birgaitzea (600.00€)
Ekialdeko Barrutiko proiektuak (1.330.000€)
Ezkusaitzetako urbanizaioa (8.900.000 €)