2020ko Katapulta Tour biran izena emateko epea ireki dute
Node konpainia donostiarra izan zen 2018ko Katapulta Tour Gipuzkoako parte hartzaileetako bat. (Argazkia: Katapulta) 
2020ko Katapulta Tour Gipuzkoa biran parte hartuko duten artisten hautaketa prozesua abian da, eta izen-emate epea urtarrilaren 6a arte egongo da zabalik. Musika eta formatu txikiko arte eszenikoen zirkuitua da Katapulta, Gipuzkoako Foru Aldundiaren Kultura, Lankidetza, Gazteria eta Kirol Departamentuek eta Kutxa Kultur erakundeak Donostia Kulturarekin eta Buenawista Prolleckziom’s-ekin elkarlanean bultzatutakoa
Musikaren eta arte eszenikoen munduko Gipuzkoako talentuak, gazteak, bereziki, balioan jartzea eta bultzatzea du helburu zirkuituak, baita lurraldeko eszenaren dinamizazioan laguntzea ere. Gipuzkoa Kulturaren webgunearen bitartez eman daiteke izena 2020ko biran.
