Mendizale donostiar bat hil da Palentziako Curavacas mendian
Curavacas mendia. 
Gaur goizean 34 urteko mendizale donostiar bat hil da Palentziako Curavacas mendi tontorrean, izotzean laban egin eta amildegitik behera erorita. Ezbeharra 11:00ak inguruan gertatu da. Biktimarekin zegoen beste mendizale batek ohartarazi ditu larrialdi zerbitzuak.
Inguru horretan praktiketan zebilen Kantabriako erreskate talde bat bertaratu da istripuaren tokira. Badaezpada, Guardia Zibilaren helikoptero bati ere eman diote abisua.
