Badatoz Antiguako sansebastianak: jaietarako zer prestatu duten ikusi nahi?

2020/01/03

Urtarrilaren 9tik 20ra bitarte ospatuko dituzte aurten sansebastianak Antiguan, eta, urteroko legez, auzotarrek egitarau sendo bezain zabala prestatu dute jaietarako. Txupinazoa urtarrilaren 10ean egingo duten arren, festa egun bat lehenago hasiko dute, eta parranda giroa hamaika egunez luzatuko da, Donostiaren egun handiarekin bat eginez.

Denek izango dute lekua jaietan, egitarauak gustu guztietarako ekitaldiak baitakartza bere barnean: gastronomikoak, kulturalak, kiroletakoak, haurrentzakoak… Kuadrillen eguna urtarrilaren 11n egingo dute, Ibaetako frontoian antolatuko duten bazkari jendetsuarekin, eta poteo elegante arrakastatsua, berriz, hurrengo asteko ostiralean egingo dute.

Kontzertuei dagokienez, nabarmentzekoak dira Antiguako frontoian Lisabok, Mursegok eta DJ Telmo Trenorrek urtarrilaren 18an eskainiko dituzten kontzertuak, eta baita egun bat lehenago leku berean egingo duten Auzo-rock jaialdia, Silicies Grizzlies, Kontrabando eta Khatxis taldeen eskutik.

Kulturak ere berebiziko garrantzia izango du jaietan, auzotarrek Mikel Laboaren IX. Bertso Sariketaz (Urtarrilak 12) eta Tempo 22 dantza eskolaren dantza emanaldiaz eta ‘flashmob’-az (Urtarrilak 18) gozatu ahal izango baitute, besteak beste. Gainera, Txillardegi Udal Liburutegia Herri Ekimenak antolatuta, auzoko euskaltzale eta idazlearen omenezko ibilaldi bat eta musika emanaldi bat egingo dituzte urtarrilaren 12an.

Jarraian, Antiguako jaietako egitarau osoa:

Urtarrilak 9, osteguna

19:00. MIKEL GARAIZABAL ARDO- KULTURAREN DIBULGATZAILEAK GIDATURIKO ARDO-DASTAKETA Txirain Elkartean. Antolatzaileak: Antiguako AEK Txirain Elkartearen laguntzaz.Izen-ematea urtarrilaren 7 eta 8an Antiguako AEK euskaltegian (Erregezaina 22).
20:00. BARREXERKA Dokan. Sarrera 3 euro (salgai TrikuHarrin eta DOKAn).

Urtarrilak 10, ostirala

16:30. HAURREN JAITSIERA MUSIKATUA Jakintzako beheko eraikinetik (Heriz).
17:00. MUNDUAN BERBENA Txatxilipurdi Elkartearen haur berbena euskaraz. Lugaritz Kultur Etxearen eskutik Gaskuña plazako karpan.
18:30. MERENDOLA MUNDIALA Gaskuña plazako karpan. Bertan gainera, auzoko haurrek egindako marrazki erakusketa izango da.
18:45. ZEZEN-SUZKOA Auzoan zehar.
19:00. TXUPINAZO ANTIGUOTARRA.
20:00. ZÜTTIK ELEKTROTXARANGA.
23:00. AUZOTARREN DJ GAUA Txosnetan.

Urtarrilak 11, larunbata

11:00. HAURRENTZAKO PUZGARRIAK Gaskuña plazako karpan.
13:00. IRAUNKORRAK TXARANGAREKIN KALEJIRA Auzotik Ibaetara.
13:30. SATZARI LORE ESKAINTZA Benta Berri Plazako igogailuaren inguruan.
15:00. KUADRILEN BAZKARIA Ibaetako frontoian.
16:30-19:30. HAURTXOKOA ETA GAZTELEKUA JAIETAN Haur eta nerabeentzako ekintzak Gaskuña Plazan.
18:00. HANSEL ETA GRETEL Borobil Teatroaren Haur Antzerkia euskaraz. Imanol Larzabal aretoan (Lugaritz). Sarrera: 4 euro.
18:30. BIZI DJ-A Ibaetatik Txoznetara.
20:00. ALERTA GORRIA Kontzertua DOKAn. Sarrera: 5 euro.
23:00. OHARKABE BERBENA Antiguako frontoian, denok ligatu arte!

Urtarrilak 12, igandea

11:00. ANTIGUAKO BAKAILAO TXAPELKETA (PIL-PIL ERARA): BAKAILAO PRESTAKETA Gaskuña plazako karpan. Sua talde bakoitzaren kontu, Antiguako Jai Batzordeak bakailaoa jarriko du. Urtarrilaren 7 eta 8an izen-ematea emailez: antiguakojaibatzordea@gmail.com Gerturatu! Musika,edaria eta pintxoak ez dira faltako!
11:30. TXILLARDEGI GOGORATUZ: IBILALDI SOLASTUA Txillardegi plazatik abiatuz, Josu Tellabideren eskutik (Antiguatik Santa Klara aldera). Antolatzailea: Txillardegi Udal Liburutegia Herri Ekimena.
12:00. MUXIKOEN ERROMERIA Antiguako frontoian, Herridantza taldeak antolatuta.
13:00. ANTIGUAKO BAKAILAO TXAPELKETA (PIL-PIL ERARA): DASTAKETA ETA SARI BANAKETA Gaskuña plazako karpan. Gerturatu! Musika, edaria eta pintxoak ez dira faltako!
13:30. TXILLARDEGI GOGORATUZ: MUSIKA ETA HITZA Mikel Antza antiguotarraren eskutik, Txillardegi plazan. Antolatzailea: Txillardegi Udal Liburutegia Herri Ekimena.
17:00. MIKEL LABOAREN IX. BERTSO SARIKETA Bertsolari gazteekin Dokan.
18:00. IGANDEAK DANTZAN Musika zuzenean: atzoko, gaurko eta betiko musika, dantzan egiteko. Lugaritz Kultur Etxearen eskutik Antiguako Merkatu Zaharrean
19:00. LUBERRI DBH4. MAILAKOEN IKASBIDAIRAKO POSTUA Gaskuña plazako karpan.

Urtarrilak 13, astelehena

17:00. ETSAIAK, LAGUNAK, EZKONGAIAK… ALICE MUNRO Literatura eta kafea: literatur solasaldia euskaraz. Gidatzailea: Maite Gónzalez Esnal. Lugaritz Kultur Etxea.
18:00. LIBURU BABY KLUBA Mestiza Elkartearen eskutik 2-5 urte bitarteko haurrentzat (euskaraz, gazteleraz eta ingelesez) Lugaritz Kultur Etxean.

Urtarrilak 14, asteartea

17:30. CINDERELLA MAN: EL HOMBRE QUE NO SE DEJO TUMBAR (2005) Zuzendaria: Ron Howard. Filma, foruma Imanol Larzabal aretoan (Lugaritz).

Urtarrilak 16, osteguna

19:00. ERRADIKALAK GINEN Performance feminista Txantxarreka gaztetxean.
19:30. EMAKUMEEN PALA TXAPELKETAKO FINALA Antiguako frontoian.

Urtarrilak 17, ostirala

17:00. TXOKOLATADA ETA MOZORRO FESTA Eguraldi ona egingo balu Gaskuñan, bestela frontoian. MOZORROTU ETA EGIN DANTZA!
17:00. ZIKLOKROSS KINKIA Auzoan zehar.
19:30. LUNTX HERRIKOIA Txalupagillenen poteo elegantera datozenentzat.
19:30. POTEO ELEGANTEA Antiguan zehar IRAUNKORRAK TXARANGAREKIN eta EDABE MAGIKOZ lagunduta.
20:00. MADRES Y PASOTAS Tarima Beltza. Antzerki amateurra gazteleraz, Imanol Larzabal aretoan (Lugaritz). Sarrera: 5 euro.
20:00. LA REGADERA + NATALI Kontzertua Dokan. Sarrera: 10/12 euro.
22:30. AUZO-ROCK 2020 Antiguako frontoian: Silicies Grizzlies, Kontrabando eta Khatxis.

Urtarrilak 18, larunbata

11:30. DANTZA IKUSKIZUNA ETA FLASHMOB-A Antiguako frontoian. Antolatzailea: Tempo 22. Tempo 22 eskolaren eskutik dantza emanaldia eta ondoren auzoko Flashmob-a. ANIMATU DANTZATZERA!
16:00-17:30. HAURRENTZAKO JOLASAK Gaskuña plazan eta euria egingo balu Antiguako frontoian. Antolatzailea: Auskalo Aisialdi Taldea.
18:30. BURUHANDIAK Matia kalean zehar.
18:30. MUS TXAPELKETA Antiguatarrak elkartean.
20:00. KAOS URBANO + THE GUILTY BRIGADE Kontzertuak DOKAn. Sarrera: 10/13 euro.
20:00. JOTAKIE ETA PLAN B Kontzertuak Txantxarreka Gaztetxean.
22:30. ANTIGUA ROCK 2020 Antiguako frontoian: Lisabo, Mursego eta DJ Telmo Trenor.

Urtarrilak 19, igandea

10:00. DULTZAINAK Matia kalean zehar.
12:00. KAÑA BI KAÑA TRIKITILARIAK Elizatik hasi eta auzoan zehar. Auzoko kaleak girotzen!
12:30. PATATA TORTILA TXAPELKETA Txalupagillene plazan. Ekarri eta aurkeztu zure tortila!
19:00. IRAUNKORRAK TXARANGAREKIN KALEJIRA Antiguan zehar.
19:00. BURUHANDIAK Merkatutik hasita Matia kalean zehar.
00:00. IKURRIÑAREN IGOERA Sansustene elkartearen danborradaren eskutik Gaskuña plazan.
00:10. REAL CLUB DE TENIS DE SAN SEBASTIAN DANBORRADAREN IRTEERA.
00:30. ZUBIMUSU DANBORRADAREN IRTEERA.
02:00. SANTO TOMAS LIZEOKO DANBORKIDE H.D.G.E. DANBORRADAREN IRTEERA
03:00. DANBORRADA HERRIKOIA Antiguotar guztiontzat Matia kalean zehar IRAUNKORRAK TXARANGAK lagunduta goizeko 06:00ak arte.
04:00. SANTA TERESA IKASTETXEA DANBORRADAREN IRTEERA.

Urtarrilak 20, astelehena

07:00. GAZTE DANBORRADAREN IRTEERA Alfonso XIII plazatik.
09:00. JAKINTZAKO GURASOAK DANBORRADAREN IRTEERA.
11:00. ISTINGORRA DANBORRADAREN IRTEERA.
11:30. XEXENE DANBORRADAREN IRTEERA
12:00. GAUPASEROEN ARGAZKIA Antiguako frontoian.
12:00. ORKRESTA ELEKTROTXARANGA. Auzoan zehar.
17:00. HAUR DANBORRADAREN IRTEERA.
17:00. EKINTZA DANBORRADAREN IRTEERA.
17:00. BENTA BERRIKO LAGUNAK DANBORRADAREN IRTEERA.
17:30. TXIRAIN DANBORRADAREN IRTEERA.
17:45. UR TTANTA DANBORRADAREN IRTEERA.
18:00. ANTIGUOKO KIROL ELKARTEA DANBORRADAREN IRTEERA.
21:00. BASO-ETXEA DANBORRADAREN IRTEERA.
00:00. IKURRIÑAREN JAITSIERA Baso Etxea elkartearen eskutik Gaskuña plazan.