Danborradak udal balkoietan ikusteko zozketa egin dute udaletxean
(Argazkia: Donostiako Udala) 
San Sebastian egunean danborradak udal balkoietan ikusteko zozketa egin dute gaur arratsaldean, udaletxeko udalbatzar aretoan. Aitor ikastolako eta Harri Berri Oleta ikastetxeko haurrek atera dituzte zenbakiak.
Banderaren igoera eta jaitsiera Konstituzio plazako udal eraikinetik ikusteko aukera izango dute 50 donostiarrek (25 egun bakoitzeko, eta bakoitzak lagun bat gonbidatu ahal izango du). Era berean, 18 donostiarrek – 36 guztira, izan ere, bakoitzak lagun bat gonbidatu ahal izango du eta kasu honetan ez dago gutxieneko adinik – urtarrilaren 20ko haur danborrada Udalaren balkoitik ikusi ahal izango dute.
Hona hemen zozketaren emaitzak. Bestalde, igoerako zerrenda, jaitsierako zerrenda eta haur danborrada ikusteko zerrenda kontsultatu daitezke.
