Hamasei talde arituko dira Jazzaldiko tokiko taldeen hautaketa prozesuan
Les Fous taldea. 
74 izan dira Jazzaldiko tokiko taldeen hautaketa prozesura aurkeztu diren taldeak, eta hamasei hautatu ditu antolakuntzak, urtarrilaren 9tik martxoaren 28ra arte joko dutenak. Taldeek aurkeztutako grabazioetan oinarrituta egin dute hautaketa, Gipuzkoako Foru Aldundiaren Katapulta Tour zirkuituaren babesarekin, Gipuzkoako talentu berriei bultzada emateko eta musika eszena dinamizatzeko helburuarekin.
Kontzertuen kalitate artistikoa eta ikusleen erreakzioa aintzat hartuz, hamasei taldeetatik hamar hautatuko ditu antolakuntzak, uztailaren 22tik 26ra egingo duten 55. Jazzaldian joko dutenak. Hautaketa prozesuko emanaldiak Fnac-en, Tabakalerako Kutxa Kultur Kluba aretoan eta Viktoria Eugenia Antzokiko Klub aretoan egingo dituzte. Azken horren kasuan, antzokiko leihatilan gonbidapenak eskatu beharko dira kontzertuaren egunean bertan, 17:00etatik aurrera. Jarraian, tokiko taldeen hautaketa prozesuko kontzertuen egutegia:
- Urtarrilak 9: Horda taldea, 20:00etan, Viktoria Eugeniako Klub aretoan.
- Urtarrilak 15: The Herman Family Singers taldea, 20:00etan, Viktoria Eugeniako Klub aretoan.
- Urtarrilak 27: Swingtronics taldea, 20:00etan, Tabakalerako Kutxa Kultur Kluba aretoan.
- Urtarrilak 28: Dos taldea, 19:30ean, Fnac-en.
- Urtarrilak 29: No More Blues taldea, 20:00etan, Viktoria Eugeniako Klub aretoan.
- Otsailak 4: Mojo Hand taldea, 20:00etan, Tabakalerako Kutxa Kultur Kluba aretoan.
- Otsailak 5: Origen taldea, 19:30ean, Fnac-en.
- Otsailak 18: Asier Ardaiz & Friends taldea, 20:00etan, Tabakalerako Kutxa Kultur Kluba aretoan.
- Otsailak 19: Los Juanes taldea, 19:30ean, Fnac-en.
- Otsailak 24: Hutsun Txalaparta-J.E.L. Trio taldea, 20:00etan, Viktoria Eugeniako Klub aretoan.
- Martxoak 2: Oblivion taldea, 20:00etan, Tabakalerako Kutxa Kultur Kluba aretoan.
- Martxoak 3: Monk’s Sphere taldea, 19:30ean, Fnac-en.
- Martxoak 16: No More Jazz Brassband taldea, 20:00etan, Viktoria Eugeniako Klub aretoan.
- Martxoak 17: Les Fous taldea, 20:00etan, Tabakalerako Kutxa Kultur Kluba aretoan.
- Martxoak 18: De2En Blues Band taldea, 19:30ean, Fnac-en.
- Martxoak 28: Txikijazz Combo taldea, 20:00etan, Viktoria Eugeniako Klub aretoan.
