Urrezko Kirol Txartela eman die udalak 2019an gehien nabarmendu diren Donostiako kirolariei
Udaletxean jaso dute 2019an gehien nabarmendu diren Donostiako kirolariek doako Kirol Txartela. (Argazkia: Donostiako Udala) 
2019an gehien nabarmendu diren kirolari donostiarrak omendu ditu udalak, eta 46 Urrezko Kirol Txartela banatu ditu guztira, 25 kirol modalitate desberdinetan. 46 Urrezko Kirol Txarteletatik, 34 Espainiako txapelketatan podiuma lortu duten edo Europa zein munduko txapelketatan parte hartu duten kirolariei eman dizkiete, eta beste hamabi bere modalitateko ligan lehenengo postua lortu edo Espainiako txapelketa edo Kopa bat irabazi duten taldeei. Horrela, bakarkako kirolariak eta taldeetakoak aintzat hartuta, 160 izan dira guztira saritutako kirolariak. Urrezko Kirol Txartelarekin, urtebeteko doako kirol txartelaren doako harpidetza jaso dute saritutako kirolariek.
Era berean, kirolari nabarmen horien zerrendan dagoen emakume kopurua nabarmendu du udalak, sarituen %60 emakumeak baitira. Udalak nabarmendu du emakumeen kirolak hirian duen garrantzia, eta bakarka lehiatzen direnez gain, Espainiako Liga edo Kopa irabazi duten bost taldeak –Bera Bera Eskubaloia, Donostiako Atletikoko Piraguismo taldea eta Realeko futbol taldea, Txuri Berri Curling, Donostiako Gimnasia Erritmiko taldea– eta Europako txapeldunak edo txapeldunordeak izan diren bi taldeak –Donostiako Atletikoko softbol taldea eta Realeko belar hockey taldea–.
