'Altzathlon' erakusketa ikusteko bigarren aukera
Emakumezkoen eskubaloi taldea Bidebietan, 1966an. (Argazkia: AHM) 
Urtarrilaren 20ra bitarte ikus daiteke Altzathlon erakusketa Altzako Tomaseneko liburutegiaren sarreran. Altzako kirolaren historiari buruzkoa da, eta estreinako aldiz Garberan jarri zuten. Astelehenetik larunbatera bisita daiteke, 10:00etatik 14:00etara eta 16:30etik 20:30era.
Casares-Tomasene kultur etxea arduratu da muntatzeaz, eta bideo berezi bat egin dute. Argazkiekin batera, Ion Olanok (DK Irratia) Manuel Arrieta eta Miguel Angel Padrones txirrindulariei eta Juantxo Koka pilotariari egindako elkarrizketak ikus daitezke.
Bestalde, Altzako Historia Mintegiak egutegiaren aurkezpena YouTubera igo du. Altzako emakumezkoen areto-futbolaren hastapenen errepasoa egin zuten. Ekitaldi hunkigarria eta errekonozimendu baten testigantza fidela izan zela adierazi dute. “Altzako kirol historiaren orrialde gogoangarri batzuk idatzi dituzten emtrenatzaile eta neska guztientzat”.
