IRUTXULOKO HITZAk kazetaria behar du
Kazetaria behar dugu IRUTXULOKO HITZAn. Bete beharreko eskakizunak hiru dira: kazetaritzan edo komunikazioan lizentziatua izatea, EGA edo bere baliokide den euskara maila izatea, eta donostiarra izatea edo Donostia ondo ezagutzea. Era berean, kontuan hartuko da kazetaritza lanetan esperientzia izatea, WordPress menderatzea, euskarri digitaletan esperientzia izatea, Quark X Press programa erabiltzen jakitea, eta bideogintzan eta argazkilaritzan ezagutzak izatea.
Astean 40 orduko lanaldia da eskaintzen dena, eta lantokia Donostian. Lan eskaintzari buruzko informazio gehiago eskuratu nahi dutenek eta interesa dutenek urtarrilaren 26a baino lehen bidali beharko dute curriculuma dh@hitza.eus helbidera.
