Neguko Sardiñerria gala egingo dute Letaman gaztetxean
Sardiñerak kofradiak Aste Nagusi Piratan antolatu ohi duen Sadiñerria gala urtarrilaren 25ean errepikatuko du, Sardiñerria Winter izenarekin, Intxaurrondoko Letaman gaztetxean. Kofradiako kideen sareen bidez azaldu dutenez, “aurreko udan gogoekin geratu ginen eta ez gara eserita egongo… Negua hartuko dugu!”.
Festa 18:00etatik aurrera hasiko dute, eta parte hartzeko gonbita egin diete herritarrei: “Zatoz herri feminista eta askearen festara eta utzi zure pribilegioak eta fobia zapaltzaileak kanpoan!”.
