124.355 bidaia zenbatu ditu Dbusek San Sebastian egunean
Dbus konpainiako autobus bat, Gipuzkoa plazan. (Argazkia: Xabier Etxabe) San Sebastian eguna dela eta eskainitako autobus zerbitzuen balorazio positiboa egin du Dbusek. Hain zuzen, urtarrilaren 19tik urtarrilaren 20ra bitartean, hau da, igandetik astelehenera bitartean, 124.355 bidaia zenbatu zituzten guztira. Era berean, 50.000 bidaia baino gehiagoko igoera erregistratu dute neguko jaiegunekin alderatuta, iazkoen kopuru antzekoak. 2014. urtearekin alderatuta, 13.967 bidaia gehiago erregistratu dituzte, hau da, %12 bidaia gehiago; hain zuzen, orduan ere urtarrilaren 19a eta 20a igandea eta astelehena izan ziren.
Gautxori zerbitzuei dagokienez, aurten 13.069 bidaia zenbatu dituztela jakinarazi dute, 2014an baino %20 gehiago. Dbusen arabera, autobusaren erabilera oso handia izan da hiriko linea guztietan, eta honakoak izan dira egun horietan gehien erabili diren hiru lineak: 13 Altza linean 18.025 bidaia, 5 Benta Berri linean 12.923 bidaia, eta 26 Amara-Martutene linean 8.295 bidaia.
