Txikijazz Big Band taldean izena emateko epea ireki dute
2018ko Txikijazz kontzertua. (Argazkia: txikijazz.com) 
Zortzigarren Txikijazz jaialdian izena emateko epea ireki dute, Txikijazz Big Band taldeko kide berriak hautatzeko. Jaialdian parte hartu nahi dutenek, martxoaren 6ra arte izango dute aukera, jaialdiaren webgunean. 10 eta 14 urte arteko haurrei zuzenduta dago deialdia, eta kontrabaxu, baxu elektriko eta saxo baritonoen kasuan, 10 eta 18 urte artekoek ahalko dute izena eman.
Haize instrumentuen entzunaldiak martxoaren 14an egingo dituzte, eta martxoaren 21ean instrumentu erritmikoen eta abeslarien kasuan. Entzunaldi horietatik aterako dira taldekide berriak, eta kontzertua eskainiko dute uztailaren 26an Kursaaleko terrazetan, Jazzaldiaren baitan. Deialdian parte hartzeko oinarriak helbide honetan kontsultatu daitezke.
