Ibaetako jaietako kontzertuak iragarri dituzte
Ibaetako jaiak iristear dira eta auzoko jai batzordeak Lautximeneta pilotalekuan joko duten taldeen izenak iragarri berri ditu horregatik. Kontzertuen gaua martxoaren 7an egingo dute, 23:00etatik aurrera, eta egun horretan hiru talde igoko dira frontoiko oholtzara: Kilimak, Izaki gardenak eta Ezten giro.
Festak otsailaren 29tik martxoaren 8ra bitarte ospatuko dituzte auzoan, eta jai batzordeak egitaraua osatuko duten beste ekitaldi batzuen berri eman du dagoeneko. Besteak beste, Ibaetako pala txapelketa egingo dute otsailaren 29an, eta hurrengo egunean, martxoak 1, Aingeru Guardaren ermitara igoko dira urteroko erromeriaz gozatzeko.
Gainera, erromeriaren egun berean, bertso jaialdia ere izango dute frontoian, 19:00etatik aurrera, Sebastian Lizaso, Alaia Martin, Unai Gaztelumendi eta Oihana Iguaran bertsolariekin.
