Realak ezin izan du punturik eskuratu ligako liderraren aurka
(Argazkia: Reala) 
Realak sailkapenean gora egin izan gabe jarraitzen du. Club de campo, ligako liderra, partida bat bera ere galdu gabe iritsi zen asteburuko jardunaldira, eta donostiarrak gogoz lehiatu ziren arren, ez ziren madrildarrei aurre egiteko gai izan. Taldeak atsedenaldira arte eutsi zion markagailuari berdinketarekin, baina bigarren zatitik aurrera, partida aurkariena izan zen erabat. Gauzak horrela, Realak sailkapeneko azken postuan jarraituko du astebetez, CH Sardineroren puntu kopuru berarekin.
Izotz hockeyan, aldiz, Txuri Urdinek garaipena lortu zuen Jakan, eta play-offetako finalerdiko kanporaketan aurrea hartzea lortu du. Datorren asteburuan Donostian jokatuko diren partidekin erabakiko da bien artetik nor izango den finalista.
Saskibaloian ere gauzak ondo joan dira. Izan ere, Ibaeta Basketek garaipen sendoa lortu du etxetik kanpo, Campus Prometeren aurka. Honela, Azu Muguruzaren taldeak denboraldi amaieran kategoria mantentzeko pauso garrantzitsua eman du.
Eskubaloian, bestetik, Bera Berak zailtasun handiegirik gabe garaitu zuen Porriño, ligako azken-aurreko sailkatua.
Futbolean, azkenik, Realeko neskek ezin izan zuten punturik atera etxean oraindik galdu ez duen Atletico Madrilen zelaitik. Mutilek, aldiz, garaipen berri bat lortu zuten Anoetan, asteazkenean Miranda Ebron jokatu behar duten kopako finalerdira gogobeteta iristeko.
HOCKEYA
Emakumezkoen ohorezko maila, 12. jardunaldia
- Club de campo 5 – 2 Reala
IZOTZ HOCKEYA
Gizonezkoen senior maila, play-offak
- Jaca 4 – 5 Txuri Urdin
ESKUBALOIA
Emakumezkoen lehen maila, 15. jardunaldia
- Bera Bera 27 – 22 Porriño
SASKIBALOIA
Emakumezkoen lehen maila, 22. jardunaldia
- Campus Promete 69 – 77 Ibaeta Basket
FUTBOLA
Emakumezkoen lehen maila, 22. jardunaldia
- Atletico Madril 3 – 0 Reala
Gizonezkoen lehen maila, 26. jardunaldia
- Reala 1 – 0 Valladolid
