Dbusek ordutegi berriak izango ditu bihartik aurrera

Astelehenetik ostiraletarako zerbitzuei eragiten die bereziki neurriak, eta larunbat, igande eta jaiegunetan martxoaren 23an ezarritako zerbitzu eta ordutegiak mantenduko dira.

36. lineako mikrobus bat. (Argazkia: Irutxuloko Hitza)

Maite Reizabal

2020/03/31

Neurri berriarekin, zenbait autobus zerbitzu gabe geratuko dira, alegia: 21. Mutualitateak-Anoeta, 23. Errondo-Puio, 24. Altza-Gros-Antigua-Intxaurrondo, 27. Altza-Intxaurrondo-Antigua-Gros), 29. Hego Intxaurrondo, 31. Intxaurrondo-Ospitaleak-Altza, 33. Larratxo-Intx.-Antigua, 38. Trintxerpe-Altza-Molinao), 41. Gros-Egia-Martutene, 42. Aldapa-Egia, 45 Renfe-Bus Geltokiak-Antigua-Aiete, eta 46. Morlans.

Zenbait zerbitzutan maiztasunak guztiz aldatuko dira, hala nola:

14. Bidebieta: 40 minuturo.
16. Igeldo: 60 minuturo.
18. Seminarioa: 60 minuturo.
19. Aiete-Bera Bera: 40 minuturo.
25. Benta Berri-Añorga: 60 minuturo.
26. Amara-Martutene: 30 minuturo.
36. San Roke-Aldakoenea: 60 minuturo.

Gainontzeko lineetan, normalean igandetan ematen duten zerbitzua emango dute. Dena den, zenbait kasutan, ibilbideak murriztuko dituzte:

28. Amara-Ospitaleak: Sanitaseraino.
5. Zuatzu: Zuatzuko biribilgune-raino/tik soilik.

Astelehenetik ostiralerako ordutegi guztiak esteka honetan ikus daitezke. Lehenengo irteerak, aldiz, esteka honetan daude eskuragarri.

Zerbitzuen aldaketak abisu berrira arte izango direla adierazi du udalak.