Abian da Altzako Bertsopaper lehiaketa
Bizarrain euskara elkarteak Altzako Bertsolazeak taldearen eta Altzania elkartearekin lankidetzan antolatuta, Altzako X. Bertsopaper lehiaketa egingo dute auzoan. Parte hartu nahi dutenek, gai eta neurri libreko bertsoak bidali beharko dituzte, sorta bakoitzeko gutxienez hiru bertsokoak eta gehienez zortziakoak. Lanak apirilaren 30a baino lehen bidali behar dira, bizarrain@altza.net helbide elektronikora.
Bizarrain elkarteak aukeratutako epaimahaiak maiatzaren 15ean jakinaraziko du zein den aurtengo irabazlea, eta 200 euroko saria eta Altzako produktuen otarra jasoko du. Era berean, Altzako bizilagun onenari aipatu otarra eta Lau Haizetara eskultura emango dizkiote. Lehiaketaren oinarriak Bizarrain euskara elkartearen webgunean kontsultatu daitezke, eta informazio gehiago nahi izanez gero, 605-73 28 45 telefono zenbakira deituz edo idatziz eskatu daiteke.
