Atzean Zuloa: 'Furgoneteroa'
Astero bezala, pertsonaia berria aurkeztu zuen Atzean Zuloan kanalak: furgoneteroa, alegia, alde batetik bestera bere furgonetarekin bidaiatu eta bidaiatzeak dakartzan onurez eta ikasketez etengabe hitz egiten duen bidaiaria —ez turista—.
Denboraldi berria otsaila hasieran abiatu zuen 2018an sortutako kanalak, eta ordutik hona beste bederatzi pertsonaia aurkeztu ditu ostiralero: ‘Begirale Eternoa‘, ‘Nostalgikoa‘, ‘Bertsofilikoa‘, ‘Kokologista‘, ‘Gidabaimenik gabea‘, ‘Egunean Behin frikia‘, ‘Lo txarrekoa‘, ‘Azal lodikoa‘ eta ‘Bozgoragailu ibiltaria‘.
