Asfaltatze lanei berriro ekin diete Grosen
Grosen asfaltatze lanei berriro ekin diete. Donostiako Udala Alarma egoerak eragindako geldialdiaren ostean, hiriko bide publikoko lanei berriro ekin dio udalak. Asfaltatze kanpaina hau hiriko 78 kaletara iritsiko da, eta Gros auzoan hasi dute, Kolon pasealeku inguruan.
Herritarren konfinamendua aprobetxatuz, lanak eguneko ordutegian egiten ari dira, horrela gauez eragozpenak sahiesteko. Makinek kale honetako erreietako bat okupatu zuten, zirkulazioa beste erreietik egiten zen bitartean.
Orain hasitako lanak zazpi aste eta erdiko epean 57 kaletara iritsiko diren putzuak dira, eta Gros, Erdialdea, Egia, Intxaurrondo eta Antiguako kaleetan egingo dituzte. Bigarren lotea asfaltatzeko lanak galtzadako zati osoak konpontzeko izango dira, eta hamazazpi astetan Aiete, Antigua, Erdialdea, Amara Zaharra, Gros-Ulia, Igeldo, Intxaurrondo eta Martuteneko 21 kale berrituko dituzte.
Gune Publikoetako zinegotzi Marisol Garmendiak aipatu zuenez, “Zoladura konpontzeko bi sortek 1,3 milioi euroko aurrekontua dute; kopuru horri Tolosa hiribideko autobus erraiaren asfaltoa berritzen gastatutako 300.000 euroak gehitu behar zaizkio, eta antzeko kopuru bat Miramongo Parke Teknologikoko galtzada asfaltatzeko. Guztira, ia bi milioi euro”.
