'Plazaberritik' irratsaioa martxan jarri du Egiako zaintza sareak
Egiako Iruresoro plaza; bi aldeetara doazen bi kaleetan egingo dituzte obrak. (Argazkia: Estitxu Zabala) Egiako zaintza sareak irratsaio berria sortu du, Plazaberritik izenarekin, eta dagoeneko entzungai jarri du lehenengo saioa, Ivoox podcast plataforman. Garazi Urrusolo zaintza sareko kidea elkarrizketatu dute. Bestalde, Zendok kultur gomendioak eskaini ditu, eta programa amaitzeko, Kata tabernako Marianek errezeta sekretua azaldu du. Telegrameko kanala ere ireki dute, irratsaioaren berri izateko: @Plazaberritik.
